ISPORTS

ISPORTS-Ginto na- ishoot ng Miag-ao Slashers,15 - 11

Babypink

      GUIMBAL, ILOILO- Matapos mawalis ang ginto noong nakaraang 2017 FCDSA Meet, siniguro ng Miag-ao Slashers na hindi nila mabobokya ang Miag-ao NHS nang kanyang ma-shoot ang ginto laban sa Guimbal Shooters sa naganap na 2019 FCDSA Mega Gym ng Guimbal NHS kaninang umaga.

      Nagliliyab na assist ni Jessie Pojas center ng Shooters ang bumungad sa pagsisimula ng laro at mabilis na naipasa kay Stanley Tanagon, center at na-ishoot ang dalawang  puntos pero hindi nagpapigil ang power forward ng Slashers na si Charles Catheral nang magpakita ng rebound.

      Makapigil-hiningang nagpakitang gilas naman si John Yuri Gesanggarin  ng Slashers nang makapuntos ng isang dos  pero agad nakabawi ang Shooters nang magpaulan ng dos si Pojas at naging tabla ang laro sa 7 .

      Gilas at bilis ang ipinakita ni Cathedral ng maka-rebound sa kalagitnaan ng laro, hindi na nakaporma pa ang Shooters at pinalasap ng koponan ang hagupit ng kanilang opensa sa kabila ng mainit na panahon.

      Kumayod na parang marino ang Shooters nang limtahan sila ni Cathedral sa pamamgitan ng kanyang lay-ups at rebound pero nag-init na si Pojas at nagbitaw ng nakakatindig balahibong lay-ups sa huling sampung segundo bagama't nakabawi hindi sapat ito para makopo ang kampeonato sa iskor na 11- 15.

      "Motivation ang nagpadaog sa amon", saad ni Cathedral, ang star player ng nanalong koponan. 

       Muling aarangkada ang Slashers sa gaganapin na Integrated Meet para ma-shoot muli ang kampeonato at maibaon pauwi.


  • Share: